Meqan Markl əri şahzadə Harri üçün kral ailəsindən qisas almağa qərar verib. Onun fikrincə, kral ailəsi onları yoxsulluq həddinə çatdırmaq istəyir.
Oxu.Az xəbər verir ki, bu barədə "RadarOnline" nəşri məlumat yayıb.
Markl əmindir ki, şahzadə Harrinin təhlükəsizliyi ilə bağlı məhkəmə işinin baş tutmamasının arxasında kral ailəsi dayanır. Buna görə də indi onu 2 milyon dollar məbləğində təzminat gözləyir.
Qeyd olunur ki, Meqan kral ailəsini onu və ərini faktiki olaraq dilənçi vəziyyətinə salmağa çalışmaqda və bu yolla onları sarsıtmaqda ittiham edir.
İnsayderlərin sözlərinə görə, Meqan Harriyə apellyasiya şikayəti verməməyi tövsiyə edib, çünki məhkəmə prosesində uduzacağı təqdirdə hər iki tərəfin hüquqi xərclərini ödəməli olacaq.
"Lakin o, iddiasını sübut etməkdə qərarlı idi və məhkəmənin onun xeyrinə qərar verəcəyinə səmimi şəkildə inanırdı", - deyə mənbə bildirib.
"O bunu uzun müddət təxirə salırdı, lakin indi seçim imkanları yoxdur. Kimsə bu və digər xərcləri - ipoteka, yaşayış və Montesitodakı təhlükəsizlik xərclərini ödəməlidir", - insayder əlavə edib.
