Nepalda baş verən kütləvi iğtişaşlar zamanı 13 500-dən çox məhbus həbsxanalardan qaçıb.
Oxu.Az xəbər verir ki, bu barədə "Khaleej Times" məlumat yayıb.
Qeyd olunur ki, məhkumların qaçması çoxsaylı quldurluq və zorakılıq hallarına səbəb olub. Nəşrin məlumatına görə, məhbuslar polislərin öz postlarını tərk etməsi nəticəsində qaça biliblər.
Nepalın Banke rayonundakı yeniyetmələr üçün islah müəssisəsində baş verən çaxnaşma zamanı 5 nəfər ölüb, 7 nəfər yaralanıb.
Oxu.Az xəbər verir ki, bu barədə "Nepal News" məlumat yayıb.
Müəssisə rəisinin sözlərinə görə, azyaşlı məhbuslar qaçmaq məqsədilə darvazaları sındırmağa çalışıblar. Hazırda müəssisədə 585 məhbus saxlanılır.
Qeyd edilir ki, Nepalda qeyri-sabitlik fonunda ölkədəki həbsxanalarda iğtişaşlar başlayıb. Məhkumlar azadlığa buraxılmalarını tələb ediblər. Sentyabrın 9-dan indiyədək 7 mindən çox məhbus ölkənin müxtəlif bölgələrindəki həbsxanaları tərk edib.
Sentyabrın 9-da Nepalı bürüyən kütləvi iğtişaşlardan sonra ən azı 7557 məhbus ölkə həbsxanalarından qaçıb.
Oxu.Az-ın xəbərinə görə, bu barədə Cənubi Asiya ölkəsinin Daxili İşlər Nazirliyindəki mənbəyə istinadən "Republica" qəzeti məlumat yayıb.
Qeyd olunur ki, 13 islah müəssisəsindən məhbuslar qaçıblar. Qaçan cinayətkarların tutulması üçün ölkə üzrə hüquq-mühafizə orqanlarının və silahlı qüvvələrin bölmələri yerləşdirilib. Səlahiyyətlilər vətəndaşları ehtiyatlı olmağa və hər hansı şübhəli hallar barədə məlumat verməyə çağırıblar.
Xatırladaq ki, daha əvvəl Mahottari rayonundakı Caleşvar həbsxanasından 570-dən çox məhbusun qaçdığı bildirilib. Məlumata görə, həmçinin ən azı 1500 nəfərin saxlandığı Lalitpur şəhərindəki həbsxananın bütün məhbusları da qaçıblar. Bundan əlavə, Nepalın cənubundakı Navalparasi rayonunun qərb hissəsində yerləşən rayon həbsxanasından 500-dən çox məhbusun və mərkəzi Pokhara şəhərindəki cəzaçəkmə müəssisəsindən 900-ə yaxın cinayətkarın qaçdığı bildirilir.
Sentyabrın 9-da etirazçılar ölkənin onların nəzarətinə keçdiyini bəyan edərək, yeni hökumətin formalaşdırılmasına və seçki keçirilməsinə çağırıblar. Nepalda etirazçılar Katmandu meri Balendra Şahın baş nazir səlahiyyətlərinin icraçısı təyin olunmasını tələb ediblər.
Hökumət əleyhinə aksiyaların etirazçıları baş nazirin, ölkə Prezidenti Ram Çandra Paudelin və bir neçə başqa siyasətçinin Balkot şəhərində şəxsi iqamətgahlarını yandırıblar. Etirazçılar, həmçinin parlament binasını və Nepalın əsas inzibati kompleksini, ölkə hökumətinin və bir çox nazirliklərin yerləşdiyi Sinqha Durbar sarayını ələ keçirərək yandırıblar.
