Qazaxıstanda neft bazasında güclü partlayış olub

Qazaxıstanın Jezqazğan şəhərində neft bazasında əvvəl partlayış, ardınca güclü yanğın baş verib.

Oxu.Az xəbər verir ki, bu barədə ölkənin Fövqəladə Hallar Nazirliyinin mətbuat xidməti məlumat yayıb.

Yanğın nəticəsində dörd nəfər xəsarət alıb. Onlar xəstəxanaya yerləşdirilib.

Qeyd olunur ki, əvvəlcə neft bazasının ərazisində üç xüsusi təyinatlı maşın yanıb. Daha sonra yanğınsöndürmə bölmələri gələnə qədər qaz-hava qarışığının partlaması nəticəsində yaxınlıqdakı anqar dağılıb.