Qazaxıstanda ilk dəfə olaraq qanun layihəsinin hazırlanmasında süni intellektdən istifadə edilib. "AI-Quryltai" platformasının köməyil iə 120-dən çox düzəlişi nəzərdə tutan "Uşaqların rəqəmsal və informasiya təhlükəsizliyi haqqında" qanun layihəsi hazırlanıb.
Oxu.Az-ın xəbərinə görə, bu barədə "Dknews.kz" nəşri məlumat verib.
Qurultayın vitse-spikeri Dinara Zakiyevanın noyabrın 16-da keçirilən iclasında bildirdiyi kimi, ixtisaslaşmış hüquqi model mövcud qanunvericiliyin təhlilinə və yetkinlik yaşına çatmayanların hüquqlarının qorunması üçün yeni tədbirlərin hazırlanmasına kömək edib.
Əsas təşəbbüslərdən biri rəqəmsal platformalarda valideyn nəzarətinin tətbiqidir. Ehtimal edilir ki, markalanmadan və yoxlamadan keçməmiş tətbiqlərə, oyunlara və digər rəqəmsal məhsullara uşaqların çıxışı məhdudlaşdırılacaq.