"Real Madrid"in 23 yaşlı braziliyalı futbolçusu Rodriqo Qoesə klubu tərk etməyə icazə verilib.
Oxu.Az xəbər verir ki, bu barədə insayder Fabritsio Romano sosial şəbəkə hesabında məlumat yayıb.
Xatırladaq ki, yayılan son məlumata görə, Münhenin "Bavariya" klubu "Real Madrid"in vingeri Rodriqo Qoeslə ciddi şəkildə maraqlanır və onun transferi üçün rəsmi təklif göndərmək niyyətindədir.
Braziliyalı futbolçuya İngiltərənin "Arsenal", "Çelsi" və "Mançester Siti" klubları da elçi düşüb. Hətta "Çelsi" artıq futbolçunun agenti ilə də əlaqəyə girib, lakin "zadəganlar" "Real Madrid"ə rəsmi müraciət ünvanlamayıb.
