Rusiya Xarici İşlər Nazirliyi (XİN) Böyük Britaniyanın müvəqqəti işlər vəkilinə sərt etiraz bildirib.
Oxu.Az-ın Rusiya mətbuatına istinadən xəbərinə görə, diplomatik nümayəndəlikdən Moskvadakı Böyük Britaniya səfirliyinin bir əməkdaşının akkreditasiyasının ləğvi ilə əlaqədar məlumat verilib.
Rəsmi Moskva səfirliyin işçisini Britaniya kəşfiyyat xidmətləri ilə əlaqəsinə görə ölkədən çıxarır. Rusiya XİN-dən bildirib ki, o, iki həftə ərzində ölkəni tərk etməlidir.
Rusiya diplomatik missiyası vurğulayıb ki, RF ərazisində Britaniya kəşfiyyatının elan edilməmiş əməkdaşlarının fəaliyyətinə dözməyəcək:
"Rusiyanın bu məsələdə güzəştsiz mövqeyi ölkənin milli təhlükəsizlik maraqlarına uyğun olaraq həyata keçiriləcək".
Diplomatik idarənin məlumatında qeyd olunur ki, London vəziyyəti gərginləşdirsə, Rusiya tərəfinin qətiyyətlə eyni şəkildə cavab verəcəyi barədə xəbərdarlıq edilib.
Daha əvvəl Federal Təhlükəsizlik Xidməti (FSB) Moskvada səfirliyin əməkdaşı kimi gizli fəaliyyət göstərən Britaniyanın kəşfiyyat zabitini müəyyən etdiyini açıqlamışdı. Sözügedən şəxs səfirliyin İnzibati və İqtisadi Bölməsinin ikinci katibi Devis Qaret Samyuel olub.
