Ukrayna dronları iyulun 18-nə keçən gecə Qara və Azov dənizlərində Rusiyanın "kölgə donanması"na növbəti hücum edib. Bu dəfə daha 13 tanker vurulub.
Oxu.Az bu barədə Ukrayna Silahlı Qüvvələrinin Pilotsuz Sistemlər Qüvvələrinin komandanı Robert (Madyar) Brovdinin "Telegram" kanalına istinadən xəbər verir.
8 quru yük gəmisi, 1 tanker, 1 qazdaşıyan tanker, 1 yedək gəmisi və 2 üzən kranın vurulduğu bildirilir.
"MoLoÇKa" adlı əməliyyatın 13 günlük müddəti ərzində Ukrayna PUA-ları ümumilikdə Rusiyanın 172 gəmisinə hücum həyata keçirib: Azov dənizində 118, Qara dənizdə - 54 dəniz vasitəsi.
Brovdin qeyd edib ki, əsas məqsəd sanksiyalardan yayınaraq həyata keçirilən neft, yanacaq və digər yüklərin logistikasının qarşısını almaqdır:
"Biz hər bir özüyeriyən su nəqliyyatı vasitəsini dənizdə idarəsiz qalan, kor və kar bir barjaya çevirəcəyik. Məqsədimiz su hövzələrini neft ilə çirkləndirmək deyil, məhz buna görə də gəmilərdə heç bir deşik açılmır".
