Suriya ordusu atəşkəsin bitdiyini bəyan edib

Suriya Silahlı Qüvvələrinin rəhbərliyi ölkədə atəşkəs rejiminin bitdiyini bəyan edib.

Oxu.Az TASS-a istinadən xəbər verir ki, bu barədə SANA informasiya agentliyinin yaydığı kommünikedə deyilir.

Suriyalı hərbçilər atəşkəsin pozulmasına görə müxalifət qüvvələrinin məsuliyyət daşıdığını bildiriblər.

“Atəşkəslə bağlı razılıq Suriyada qan tökülməsinin qarşısını almaq üçün real şans idi. Lakin silahlı qruplaşmalar ABŞ və Rusiya arasında əldə olunan razılığın heç bir bəndini yerinə yetirməyiblər”, - kommünikedə qeyd olunur.

S.B.
www.oxu.az