"İnsanlar Kaliforniya ştatının Los-Anceles şəhərində keçirilən etiraz aksiyalarına pul qarşılığında gəlirlər".
Oxu.Az xəbər verir ki, bunu ABŞ Prezidenti Donald Tramp "Truth Social" platformasında yazıb.
Bununla belə, o, nümayişçilərə məhz kimin pul ödədiyini açıqlamayıb.
Ağ Ev rəhbərinin fikrincə, onlar nümayişçilər deyil, asayişi pozanlar və qiyamçılardır.
Qeyd edək ki, Los-Ancelesdə qeyri-leqal miqrantların hakimiyyət orqanları tərəfindən kütləvi saxlanılmasına qarşı etirazlar üç gündür davam edir.
