Türkiyədə bayram günü qurban kəsərkən 16 min insan xəsarət alıb

Türkiyədə bayramın ilk günü 16 minə yaxın insan qurban kəsərkən xəsarət alıb.

Bu barədə ölkənin Səhiyyə Nazirliyinin rəhbəri Fahrettin Koca məlumat verib.

"Bayramın ilk günündə ölkə üzrə 16 minə yaxın insan qurbanlıq heyvanların kəsilməsi zamanı aldığı xəsarətlərə görə tibb müəssisələrinə müraciət edib", - deyə nazir "X" hesabında yazıb.

Onun sözlərinə görə, daha çox insan paytaxt Ankarada yaralanıb - 1 274 nəfər, İstanbulda 840, İzmirdə 416 nəfər xəsarət alıb.

Yerli hakimiyyət orqanlarının tələblərinə görə, qurbanlıq heyvanların kəsimi xüsusi ayrılmış yerlərdə sanitar normalara riayət olunmaqla aparılmalıdır. Lakin Türkiyədə bu tələblər tez-tez pozulur və hər il Qurban bayramında minlərlə yerli sakin xəsarət alır.

Bayramın ilk gününde Ankara’da 1.274, İstanbul’da 840, İzmir’de 416 olmak üzere, ülke genelinde yaklaşık 16.000 kişi kurban kesimi sırasında yaşadığı yaralanmalar sonucu sağlık kuruluşlarımıza başvurdu. Kesimlerin profesyonel kişilerce yapılmaması bu gibi durumlara yol açıyor.…

— Dr. Fahrettin Koca (@drfahrettinkoca) June 16, 2024

Mənbə: TRT Haber