Noyabrın 15-də Ukraynanın dron hücumundan sonra Rusiyanın ən böyük neft emalı zavodlarından (NEZ) biri olan "Ryazan" zavodu neft emalını tamamilə dayandırıb.
Oxu.Az bu barədə "Reuters" agentliyinə istinadən xəbər verir.
Agentliyin mənbələrinə görə, "Rosneft" şirkətinin NEZ-i ayın sonuna qədər işləməyəcək, dekabrın 1-nə qədər yanacaq göndərilməsi planlaşdırılmır və o ciddi texnoloji ziyana məruz qalıb.
Qeyd edilir ki, bu, noyabrda Ukraynanın dron hücumlarından sonra Rusiyada fəaliyyətini dayandıran sayca beşinci NEZ-dir.
