Rusiya Prezidenti Vladimir Putin Rusiya Federasiyası Təhlükəsizlik Şurasının daimi üzvləri ilə operativ iclas çağırıb.
İclasın mövzusu terrorizmə qarşı mübarizənin aspektləri olub. Dövlət başçısı Novo-Oqaryovo iqamətgahında üzbəüz keçirilən görüşün əvvəlində bu məsələlərin müzakirə ediləcəyini elan edib.
Oxu.Az-ın məlumatına görə, bu barədə TASS xəbər verir.
"Bu gün Təhlükəsizlik Şurasının daimi üzvləri ilə operativ iclasın gündəliyində terrorizmə qarşı mübarizənin ayrı-ayrı aspektlərinə aid çox vacib məsələ var", - deyə Putin bildirib və sözü məruzə üçün Federal Təhlükəsizlik Xidmətinin direktoru Aleksandr Bortnikova verib.
Operativ iclasda, həmçinin, Təhlükəsizlik Şurasının sədr müavini Dmitri Medvedev, RF Təhlükəsizlik Şurasının katibi Sergey Şoyqu, Dövlət Dumasının sədri Vyaçeslav Volodin, müdafiə naziri Andrey Belousov, Rusiyanın Xarici Kəşfiyyat Xidmətinin rəhbəri Sergey Narışkin, RF prezidentinin təbiəti mühafizə fəaliyyəti, ekologiya və nəqliyyat məsələləri üzrə xüsusi nümayəndəsi Sergey İvanov və dövlət başçısının köməkçisi Nikolay Patruşev iştirak ediblər.
