Putin Qərbin Rusiya ilə qaz müqaviləsinə münasibətdə Ərdoğanın möhkəmliyini qeyd edib. Bunu o, mətbuat konfransında vurğulayıb.
Avropanın Türkiyənin Yunanıstanla sərhədində qaz habının yaradılmasına toxunan prezident qeyd edib ki, bu, avropalı tərəfdaşlardan asılıdır.
“Bu, bizdən asılı deyil. Bu, əhəmiyyətli dərəcədə bizim avropalı tərəfdaşlarımızdan asılıdır. Onlar həddindən artıq ehtiyac duyduqları Rusiyadan enerji resurslarının dayanıqlı, zəmanətli, tamamilə aydın tədarüklərini tranzit risklərsiz istəyirlər? Əla! O zaman biz işləyəcəyik, Yunanıstan vasitəsilə Makedoniyaya, daha sonra Serbiyaya çıxıb, yenidən Avstriyada Baumqartenə gəlmək olar. İstəməsələr, etməyəcəyik”, - dövlət başçısı deyib.
O, qeyd edib ki, “Rusiyadan daha ucuz və etibarlı tədarük yoxdur və yaxın perspektivdə belə görsənməyəcək”.
15:07
Rusiya Prezidenti Vladimir Putin Qərbin Rusiyaya qarşı münasibətinin ayını zəncirləmək cəhdlərinə bənzədiyini bildirib.
Bu barədə o, bu gün keçirdiyi böyük mətbuat konfransında bildirib.
“İstənilən məsələ ilə bağlı nə etsək, biz həmişə problemlərlə, rəqiblərlə və bizə qarşı mübarizə ilə qarşılaşırıq”, - deyə, dövlət başçısı hesab edir.
“Mən Valday klubunda misal çəkdim və daha yaxşı tanınan rəmzi – öz tayqasını qoruyan ayını göstərdim. Bilirsiniz, iş ondadır ki, belə analogiyaları davam etdirdikdə mənim özüm düşünməyə başlayıram ki, bəlkə ayı sakit otursun, tayqa ilə qaçmasın, giləmeyvələr, balla qidalansın və o zaman onu sakit buraxacaqlar? Xeyr. Çünki həmişə o ayını zəncirləməyə çalışacaqlar”, - deyə, Putin bildirib.
O qeyd edib ki, bunu edən kimi ayının dişlərini, dırnaqlarını qoparacaqlar.
“İndiki zəmanədə bu, nüvə silahı deməkdir. Allah eləməsin, bu baş verərsə, ayı lazım olmayacaq, tayqanı dərhal ələ keçirəcəklər”, - deyə, prezident əlavə edib.
“İş ondadır ki, biz öz müstəqilliyimizi, öz suverenliyimizi, mövcud olmaq hüququmuzu qoruyuruq. Biz bütün bunları anlamalıyıq”, - deyə, Putin sözlərini bitirib.
Rusiya liderinin bu bəyanatı onun hazırda ölkədə baş verənlərin Krımın ələ keçirilməsinin nəticəsi olub-olmadığı barədə suala cavab olaraq səslənib.
13:19
Oxu.Az Rusiya Federasiyasının Prezidenti Vladimir Putinin 10-cu illik böyük mətbuat konfransının onlayn yayımını təqdim edir.
