Son 18 ildə Xəzər dənizinin səthi 36 000 kvadrat kilometr azalıb.
Oxu.Az "Kazhidromet"ə istinadən xəbər verir ki, dənizdə suyun səviyyəsi də azalır.
Bu ilin sentyabr ayına olan məlumata görə, Xəzər dənizinin suyunun səviyyəsi şimal-şərqdə 20 sm, şərqdə isə 17 sm azalıb.
Dəniz suyunun səviyyəsinin azalması dənizin səth sahəsinin azalmasına səbəb olur.
Belə ki, 2006-cı ildən 2024-cü ilə qədər dənizin səth sahəsi 392.3 mindən 355.7 min kvadrat kilometrə qədər - 36.6 min kvadrat kilometr azalıb.
Təxminən 20 il ərzində Xəzər dənizində, daha dəqiq desək, onun Qazaxıstan hissəsində suyun səviyyəsi 2.13 metr azalaraq okean səviyyəsindən mənfi 29.2 metrə çatıb. Ölkənin sahil xətti bəzi yerlərdə 30-35 kilometr geriləyib.
