"Xiaomi SU7" yeniləndi: Əhəmiyyətli funksiyalar əlavə olundu

"Xiaomi" şirkəti "SU7" modeli üçün "HyperOS" əməliyyat sisteminin yenilənmiş 1.2.8 versiyasını təqdim edib.

Bu barədə Oxu.Az 32cars.ru-ya istinadən xəbər verir.

Bu yenilənmə "Xiaomi Surge" intellektual salonunun və intellektual idarəetmə funksiyalarının təkmilləşməsini nəzərdə tutur. Xüsusilə, yeni təhlükəsizlik funksiyaları əlavə edilib və şəhər avtopilotunun effektivliyi artırılıb.

Əsas yeniliklərdən biri "Kənar müdaxilələrdən mühafizə" funksiyasıdır ki, bu, avtomobil qapı və pəncərələri bağlı halda parkinqdə dayandığı zaman işə düşür. Bu funksiya səsli köməkçinin avtomobildən kənarda təsadüfən aktivləşməsinin qarşısını alır. Həmçinin səsli köməkçinin özü də yenilənib ki, indi o, avtomobilləri qarşı hissələrindən tanıya, musiqi məlumatlarını axtara və dəniz səviyyəsindən hündürlük barədə məlumatlar təqdim edə bilir. "Xiaomi" virtual assistenti vasitəsilə smartfondan istifadə edərək idarəetmə funksiyalarını da yenilənib.

Eyni zamanda, multimedia sisteminə yeni funksiyalar əlavə olunub ki, bunlara oturacaqların ventilyasiyası və qızdırılması, həmçinin ön şüşə və arxa şüşələrin isitmə sistemlərinin vəziyyəti haqqında məlumatlar da daxildir. Şarj cihazının söndürülməsi üçün yeni vizual bələdçi də tətbiq olunub. İlk giriş zamanı istifadəçi profili parametrlərinin bulud ilə sinxronizasiyası təkmilləşdirilib. Sürücülər indi sürücü oturacağının, sükan çarxının və güzgülərin vəziyyəti ilə bağlı fərdi parametrləri yaddaşda saxlaya bilərlər.

Şirkət yağışlı havalarda arxa güzgülərin iş məntiqini təkmilləşdirib: siləcəklər aktiv olduqda, güzgülərin qızdırılması avtomatik işə düşür. Həmçinin "Xiaomi" tətbiqi vasitəsilə oturacaqların ventilyasiyasını uzaqdan işə salmaq imkanı da yaradılıb. Bir neçə məşhur musiqi xidmətində "Dolby Atmos" musiqi dəstəyi əlavə edilib və avtomobilin bort sistemi üçün "Diablo: Immortal" oyunu işə salınıb.

Arxa oturacaqda oturan sərnişinlərin avtomobili rahat tərk etmələri üçün avtomobildən çıxış prosesi, həmçinin quraşdırılmış soyuducunun iş məntiqi təkmilləşdirilib.

İntellektual idarəetmə funksiyalarında şəhər avtopilotu üzrə yaxşılaşdırmalara nail olunub. İndi sistem kəsişmə nöqtələrindən keçilməsi məsələlərinin öhdəsindən daha yaxşı gəlir və zolaqların dəyişdirilməsi üçün anları daha dəqiq seçir. Eyni zamanda motosikletlər və piyadalarla toqquşmadan yayınma mexanizmləri də təkmilləşdirilib, sürət həddinin işlənməsi daha da dəqiqləşdirilib.

Bütün bu yeniləmələr "Xiaomi SU7"nin istifadəsini sahibləri üçün daha rahat, təhlükəsiz və xoş etmək üçün nəzərdə tutulub.