Yaponiyanın ən uzunömürlü vətəndaşı olan Şiqeko Kaqava 115 yaşında dünyasını dəyişib.
Oxu.Az xəbər verir ki, bu barədə "Nippon Television" telekanalı Səhiyyə, Əmək və Rifah Nazirliyinə istinadən məlumat yayıb.
Məlumata əsasən, 1911-ci ildə anadan olmuş və Nara prefekturasında yaşayan Şiqeko Kaqava avqustun 27-də vəfat edib. Hazırda Yaponiyanın ən yaşlı insanı Kiotodan olan 114 yaşlı Fue Kişimotodur.
Qeyd edək ki, dünyanın ən qocaman sakini 117 yaşlı britaniyalı Etel Katerhem hesab edilir.
Qaynar xətt:
(055) 224 12 12
