Elektrik enerjisi sərfiyyatını əks etdirən bildirişlər niyə qanunvericiliyin tələblərinə cavab vermir?
Elektrik enerjisi sərfiyyatını əks etdirən bildirişlər niyə qanunvericiliyin tələblərinə cavab vermir?
“Azərişıq” ASC tərəfindən elektrik enerjisi sərfiyyatına görə istehlakçılara göndərilən bildirişlərin qanunvericiliyin tələblərinə zidd olması barədə xəbər vermişdik. Buna əsas kimi elektrik enerjisi sərfiyyatına görə hesablanmış borcun ödənilməsi üzrə qanunvericilikdə müəyyən edilmiş 1 ay müddətinin bildirişlərdə əks olunmamasını gətirmişdik.
Bildirmişdik ki, Oxu.Az-ın 5 ay əvvəl apardığı araşdırmasına cavab olaraq İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti 1 ay müddətinin bildirişlərdə əks olunması yönündə “Azərişıq” ASC-nin zəruri tədbirlər gördüyünü açıqlasa da, borc kağızları hələ də qanunvericiliyin tələblərinə uyğunlaşdırılmayıb.
Məsələ ilə bağlı "Azərişıq” ASC-nin mətbuat xidmətinin rəhbəri Tanrıverdi Mustafayevin münasibətini öyrəndik.
T.Mustafayev bildirdi ki, "Azərişıq” ASC öz səlahiyyətlərini şəffaf şəkildə icra edir: “Quruma ünvanlanan bütün müraciətlərə cavab verilir, o cümlədən də İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin. O ki qaldı bildirişlərdə enerji sərfiyyatına görə hesablanmış borcun ödənilməsi üzrə 1 ay müddətinin əksini tapmamasına, bu, məcburi deyil. Çünki əsas sayğacın göstəricisidir. Abonent özü də borcuna baxa bilir. Bildirişə ehtiyac qalmır".
L.Ə.