Deputat Vahid Əhmədov bu gün Milli Məclisin İqtisadi siyasət, sənaye və sahibkarlıq komitəsinin iclasında - “2018-ci il dövlət büdcəsinin icrası haqqında” qanun layihəsinin müzakirəsi zamanı sərt çıxış edib.
Oxu.Az xəbər verir ki, millət vəkili Azərbaycanda qiymət artımının səviyyəsi ilə ilə bağlı açıqlanan statistik rəqəmlərə etiraz edib.
O, rəqəmlərin həqiqəti əks etdirmədiyini deyib:
“Büdcənin icrası ilə bağlı sənəddə göstərilir ki, Azərbaycanda istehlak bazarında qiymət azalıb. Azərbaycanda nəyin qiyməti azalıb?! Əksinə, qiymət artıb. Bilmirəm, Statistika Komitəsinin sədri bazara gedib, ya getməyib, danışanda da elə danışmaq lazımdır ki, inandırıcı olsun”.
Qeyd edək ki, Azərbaycan Dövlət Statistika Komitəsinin sədri Tahir Budaqovdur.
Kamil Həmidov
