Paytaxtın Nərimanov rayonunda çoxmərtəbəli binada yanğın baş verib.
Bu barədə Oxu.Az-ın sorğusuna cavab olaraq Fövqəladə Hallar Nazirliyindən (FHN) bildiriblər.
Qeyd olunub ki, nazirliyin "112" qaynar telefon xəttinə Bakı şəhəri, Nərimanov rayonu, Ədhəm Orucəliyev küçəsində çoxmərtəbəli yaşayış binasının zirzəmisində elektrik sayğacları quraşdırılan hissədə yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunublar.
Yanğınsöndürənlərin çevik müdaxiləsi sayəsində yanğın qısa müddətdə söndürülüb.
Hadisə nəticəsində ümumi sahəsi 10 kv.m olan elektrik otağında 93 ədəd sayğac və ayırıcı, iki ədəd elektrik tənzimləyicisi yanıb.
Bakıda yanğın baş verib.
Oxu.Az-ın məlumatına görə, hadisə paytaxtın Nərimanov rayonu ərazisində qeydə alınıb.
Ərazidə yerləşən yaşayış binasının birinci mərtəbəsindəki obyektlərdən birində yanğın olub.
Hadisə nəticəsində yaralıların olduğu deyilir. Hadisə yerinə Fövqəladə Hallar Nazirliyinin əməkdaşları və Təcili tibbi yardım briqadaları cəlb olunublar.
