Əvəz Zeynallıya xərçəng diaqnozu qoyulub

"Xural" internet televiziyasının həbsdə olan rəhbəri Əvəz Zeynallıya xərçəng diaqnozu qoyulub.

Oxu.Az-ın xəbərinə görə, bu barədə onun həyat yoldaşı Məlahət Zeynallı məlumat verib.

O bildirib ki, bir müddət əvvəl 6 saylı cəzaçəkmə müəssisəsində saxlanılan Əvəz Zeynallının sağlıq durumunda ciddi problemlər yaranmışdı:

"Həkimlər müayinədən sonra nələrdənsə şübhələniblər, bir müddət sonra onu Ədliyyə Nazirliyinin Baş Tibb İdarəsinin Müalicə Müəssisəsinə göndərdilər. Təxminən 1 ay əvvəl Onkologiya Mərkəzinə aparıb, "biopsiya" götürdülər. 10 gün əvvəl nəticəni Əvəz bəyə açıqlayıblar".

M.Zeynallı qeyd edib ki, bağırsağında olan bədxassəli şiş artıq metastaz verib, xərçəng qara ciyərinə yayılıb.