Müğənni Afət Fərmanqızının bloqer Sevinc Hüseynova barəsində xüsusi ittiham qaydasında məhkəməyə müraciət etdiyi şikayət icraata götürülüb.
Oxu.Az-ın məlumatına görə, bu, Füzuli Rayon Məhkəməsində bu gün keçirilən prosesdə elan edilib. Müğənninin şikayəti icraata götürülüb və Sevinc Hüseynova təqsirləndirilən şəxs kimi cəlb edilib. İş üzrə məhkəmənin baxış iclası oktyabrın 1-inə təyin olunub.
Xatırladaq ki, müğənni Afət Fərmanqızı bloqer Sevinc Hüseynovanın sosial şəbəkələrdə onun şərəf və ləyaqətini təhqir etdiyini bildirərək, xüsusi ittiham qaydasında Füzuli Rayon Məhkəməsinə xüsusi ittiham qaydasında müraciət edib, bloqerin Cinayət Məcəlləsinin 147-ci (böhtan) və 148-ci (təhqir) maddələri ilə məsuliyyətə cəlb edilməsini istəmişdi.
Məlumata görə, müğənni bloqer barəsində mülki qaydada da iddia qaldırıb.
O, məhkəmə prosesi başa çatanadək Sevinc Hüseynovasının müğənninin adını çəkməməsini istəyib.
Faktı Afət Fərmanqızının vəkili Asim Abbasov Oxu.Az-a təsdiqləyib.
Qeyd edək ki, S.Hüseynova bir müddət əvvəl sosial şəbəkələrdə şəhid anasını təhqir etməsi ilə bağlı da məlumatlar yayılmışdı.
