Sabirabadın Moranlı kəndində dəhşətli qətl hadisəsi baş verib.
Kənd sakini 33 yaşlı Əli Əliyev həmkəndlisi 42 yaşlı Rüstəm Əliyevi çoxsaylı bıçaq zərbələri ilə qətlə yetirib.
Mərhumun qohumu Məhərrəm Qasımov Baku TV-yə açıqlamasında onlar arasında yaranan mübahisənin səbəbinin hələlik məlum olmadığını bildirib:
"Mübahisə Şirvan şəhərində toyda başlayıb. Daha sonra evə gəliblər. Zəng edib, bayıra çağırıb. Yolun ortasında bıçaqla vurub. Öləndən sonra başını bədənindən ayırıb".
Daha ətraflı Baku TV-nin videomaterialında:
Sabirabad rayonunda baş verən dəhşətli qətl hadisəsinin təfərrüatı məlum olub.
Oxu.Az-ın məlumatına görə, hadisə sentyabrın 14-də saat 23 radələrində Sabirabad rayonunun Moranlı kəndində baş verib. Tərəflər arasında mübahisə toy məclisində yaranıb.
Belə ki, kənd sakinləri, 1983-cü il təvəllüdlü Rüstəm Əliyev və 1992-ci il təvəllüdlü Əli Əliyev Şirvan şəhərində keçirilən toy mərasimində iştirak ediblər. Onlar toyda spirtli içki qəbul edəndən sonra axşam saatlarında evlərinə - Moranlı kəndinə gəliblər. R.Əliyev evlərinə çatıb, çay içəndə Ə.Əliyev zəng vurub onu küçəyə çağırıb. R.Əliyev çayını içib küçəyə çıxıb. Ə.Əliyev küçədə qəfildən arxadan R.Əliyevi tutaraq əlindəki bıçaqla onun başını kəsib bədənindən ayırıb.
Kənd sakinləri küçədə başı kəsilmiş meyiti görüb R.Əliyevin ailə üzvlərinə məlumat veriblər.
Məlumata görə, qətli törətməkdə şübhəli bilinən Ə.Əliyev əvvəllər narkotik vasitələrin qanunsuz dövriyyəsində təqsirləndirilərək azadlıqdan məhrum edilib. O, iki il əvvəl cəzaçəkmə məntəqəsindən azadlığa buraxılıb.
Hadisənin toyda söyüş üstündə baş verdiyi bildirilir.
Məlumata görə, qətlə yetirilən Rüstəm Əliyevin iki övladı var. Böyük oğlu hərbi xidmətdə, kiçik oğlu isə məktəblidir. Qətli törətməkdə şübhəli bilinən Ə.Əliyev isə subaydır.
Faktla bağlı araşdırmalar davam etdirilir.
Sabirabadda 42 yaşlı şəxsin qətlində şübhəli bilinən şəxs tutulub.
Oxu.Az bu barədə Sabirabad Rayon Prokurorluğunun məlumatına istinadən xəbər verir.
Qeyd olunur ki, sentyabrın 14-də saat 23 radələrində Sabirabad rayon sakini, 1983-cü il təvəllüdlü Rüstəm Əliyevin öldürülməsi barədə rayon prokurorluğuna məlumat daxil olub.
Araşdırma zamanı 1992-ci il təvəllüdlü Əli Əliyevin rayonun Moranlı kəndi ərazisində aralarında yaranmış mübahisə zamanı həmkəndlisi Rüstəm Əliyevə bıçaqla xəsarətlər yetirərək qəsdən öldürməsinə əsaslı şübhələr müəyyən edilib.
Faktla bağlı Sabirabad Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Əli Əliyev iş üzrə şübhəli şəxs qismində tutulub.
İbtidai istintaq davam etdirilir.
Sabirabad rayonunda qətl hadisəsi törədilib.
Oxu.Az-ın məlumatına görə, hadisə rayonun Moranlı kəndində baş verib. Kənd sakini, 1983-cü il təvəllüdlü Rüstəm Əliyev qətlə yetirilib.
Polis əməkdaşlarının keçirdiyi əməliyyat tədbirləri ilə qətldə şübhəli bilinən R.Əliyevin həmkəndlisi, 1992-ci il təvəllüdlü Əli Əliyev saxlanılıb.
Faktla bağlı rayon prokurorluğunda araşdırmalar aparılır.
Samir Əli
