Sabunçu rayonu, Maştağa qəsəbəsi, Savalan yaşayış massivinin girişindəki su kanalına çirkab suyun axıdılması bu ərazidə yaşayan sakinləri narahat edir.
Vətəndaşların sözlərinə görə, illərdir aidiyyəti qurumlara şikayət ünvanlasalar da, problem öz həllini tapmır.
"Əraziyə nəzarət olmadığı üçün maşınlar vasitəsilə çirkab sular gətirilib kanala tökülür. Bunu edən şəxsə irad bildirəndə də deyir ki, mənə nə edəcəklər, pulumu alıb buraxırlar. Əvvəl kanalda elə təmiz su var idi ki, həyətdə istifadə edirdik", - deyə şikayətçilər narazılıq bildiriblər.
Vətəndaşların təqsirləndirdikləri şəxs də Baku TV-yə açıqlama verib.
"Nardaran, Maştağa, Bilgəh, Kürdəxanı kimi yerlərin kanalizasiya sistemi olmadığı üçün çirkab sularının daşınmasını mən həyata keçirirəm. Həmin kanala axıdılan da qrunt sularıdır. Nə edim? Suyu həyətimə boşaldası deyiləm ki", - deyə o qeyd edib.
Ətraflı süjetdə:
