Yeyib-içəndən sonra dostlarını döyüb öldürdülər

Şəki Ağır Cinayətlər Məhkəməsində tanışlarını döyərək öldürməkdə təqsirləndirilən Hafiz Hacıyev və Rasim Abbasovun cinayət işi üzrə məhkəmə prosesi başa çatıb.

Oxu.Az-ın məlumatına görə, prosesdə təqsirləndirilən şəxslərə hökm oxunub. Məhkəmənin hökmü ilə H.Hacıyev 10 il 6 ay, R.Abbasov isə 10 il müddətinə azadlıqdan məhrum ediliblər.

Hadisə Zaqatalada 41 yaşlı kişini döyüb öldürməkdə təqsirləndirilən şəxslərdən biri saxlanıldı

İttihama görə, hadisə ötən il oktyabrın 28-də Zaqatala rayonunun Yuxarı Tala kəndində baş verib. Kənd sakinləri - Hafiz Hacıyev, İskəndər Musayev və Rasim Abbasov kənd ərazisindəki "Görüş" kafesində yeyib-içiblər.

Məclisdə dostlar arasında mübahisə yaranıb və dava başlayıb. Dava zamanı H.Hacıyev və R.Abbasov İskəndər Musayevi döyüblər. Hadisə nəticəsində xəsarətlərlə xəstəxanaya yerləşdirilən İ.Musayev bir həftə sonra xəstəxanada ölüb.

Hadisə Ölümcül döyüldüyü üçün atasının ürəyi partlayıb ölmüşdü: Özü də xəstəxanada vəfat etdi

Polis əməkdaşlarının keçirdikləri tədbirlər nəticəsində hadisəni törətməkdə şübhəli bilinən H.Hacıyev və R.Abbasov saxlanılıblar.

Kriminal Zaqatalada 41 yaşlı kişini öldürməkdə təqsirləndirilən daha bir şəxs saxlanıldı