Təlim-məşq toplanışını Türkiyənin Ərzurum şəhərində davam etdirən "Araz-Naxçıvan" klubu növbəti yoxlama matçını keçirib.
Oxu.Az xəbər verir ki, Elmar Baxşıyevin rəhbərlik etdiyi komanda qardaş ölkənin Superliqa təmsilçisi "Alanyaspor"la üz-üzə gəlib.
Görüş qolsuz bərabərliklə nəticələnib.
"Araz-Naxçıvan"ın növbəti sınağı iyulun 17-də Superliqanın digər iştirakçısı "Trabzonspor"a qarşı olacaq. Komanda Türkiyə toplanışı çərçivəsində daha əvvəl "Bayburtspor"la oynayıb və 14:0 hesablı qələbə qazanıb.
Qeyd edək ki, Elmar Baxşıyevin baş məşqçisi olduğu kollektiv UEFA Konfrans Liqasının II təsnifat mərhələsində "Aris"lə (Yunanıstan) üz-üzə gələcək. Komandalar arasında ilk görüş iyulun 24-də Bakıda, cavab matçı isə 31-də Salonikidə baş tutacaq.
Təlim-məşq toplanışını iyulun 5-dən Türkiyənin Ərzurum şəhərində davam etdirən "Araz-Naxçıvan" bu gün "Alanyaspor"la qarşılaşacaq.
Oxu.Az xəbər verir ki, Naxçıvan təmsilçisi bundan başqa daha bir komanda ilə üz-üzə gələcək.
"Bayburtspor"la görüşdən 14 cavabsız qolla ayrılan təmsilçimiz son oyununda isə "Trabzonspor"la qarşılaşacaq.
11 iyul
"Alanyaspor" - "Araz-Naxçıvan".
17 iyul
"Trabzonspor" - "Araz-Naxçıvan".
