Azərbaycanda ilk dəfə badminton üzrə Avropa çempionatı keçiriləcək

Bakıda ilk dəfə badminton üzrə qarışıq komandaların Avropa çempionatı keçiriləcək.

Oxu.Az xəbər verir ki, Bakı İdman Sarayında baş tutacaq yarışda 8 komanda mübarizə aparacaq.

1-ci qrupda yer alacaq Azərbaycan millisinin rəqibləri son çempion Danimarka, İspaniya və İngiltərə yığmaları olacaqlar. İlk iki pillənin sahibləri yarımfinala vəsiqə qazanacaqlar. Digər qrupda Fransa, Almaniya, Çexiya və Niderland komandaları güclərini yoxlayacaqlar.

Qeyd edək ki, çempionat gələn il fevralın 12-16-da keçiriləcək.