Bundesliqa: "Bavariya" - "Borussiya" oyununda qalib olmadı

Almaniya Bundesliqasının 29-cu turunun mərkəzi qarşılaşması - "Bavariya" və "Borussiya Dortmund" komandalarının oyunu başa çatıb.

Oxu.Az xəbər verir ki, Münhen stadionunda keçirilən görüş heç-heçə başa çatıb - 2:2.

Matçda hesabı 48-ci dəqiqədə "Borussiya"nın hücumçusu Maksimilian Bayer açıb. "Bavariya"nın portuqaliyalı yarımmüdafiəçisi Rafael Qerreyro 65-ci dəqiqədə hesabı 1-1 edib. 69-cu dəqiqədə cinah hücumçusu Serj Qnabri meydan sahiblərini hesabda irəli çıxarıb. 75-ci dəqiqədə Dortmund təmsilçisinin müdafiəçisi Valdemar Anton tarazılığı bərpa edib - 2:2.

Hazırda "Bavariya" Almaniya Bundesliqasında liderdir. Vinsent Kompaninin komandası 29 matçdan 69 xal toplayıb. "Borussiya" isə 42 xala malikdir və səkkizinci yerdədir.