Futbol üzrə dünya çempionatının həyəcan dolu anları bütün sürəti ilə davam edir.
Oxu.Az-ın məlumatına görə, qrup mərhələsinin ilk turu çərçivəsində azarkeşləri yaşıl meydanlarda daha bir neçə maraqlı qarşılaşma gözləyir.
Günün ilk maraqlı dueli E qrupunda yer alan Almaniya və Kürasao yığmaları arasında baş tutacaq. Bu matçın start fiti Bakı vaxtı ilə saat 21:00-da səslənəcək. E qrupunda həmçinin Kot-d'İvuar millisi Ekvadorla gücünü sınayacaq ki, bu gərgin mübarizə də iyunun 15-i saat 03:00-da start götürəcək.
İyunun 15-nə keçən gecə və səhər saatlarında keçiriləcək digər qarşılaşmalar da futbolsevərləri ekran başına toplayacaq. Belə ki, F qrupu çərçivəsində baş tutacaq Niderland - Yaponiya matçı gecə yarısı, saat 00:00-da, İsveç və Tunis arasındakı oyun isə səhər saat 06:00-da başlayacaq.
Dünya çempionatı
I tur
14 iyun
E qrupu
21:00. Almaniya - Kürasao
15 iyun
03:00. Kot-d'İvuar - Ekvador
F qrupu
00:00. Niderland - Yaponiya
06:00. İsveç - Tunis
Qeyd edək ki, mundiala iyulun 19-da yekun vurulacaq.
