Braziliya yığmasının və "Santos" klubunun ulduz hücumçusu Neymar DÇ-2026-nın hazırlıqlarına az qalmış növbəti dəfə sağlamlıq problemləri ilə üz-üzə qalıb.
Oxu.Az "Ge Globo" nəşrinə istinadən xəbər verir ki, məşhur futbolçunun sağ ayağında baldır əzələsində ödem aşkarlanıb.
Məlumata görə, alınan zədə çox ciddi xarakter daşımasa da, futbolçu mütləq şəkildə xüsusi müalicə kursu keçməli və fiziki yüklənmələri müvəqqəti olaraq azaltmalıdır.
Hazırda 34 yaşlı forvard "Santos"un təlim-məşq bazasında məhz özünün şəxsi tibbi heyətinin ciddi nəzarəti altında bərpa prosesi keçirir. Bununla yanaşı, Neymarın səhhətindəki irəliləyişlər Braziliya Futbol Konfederasiyasının aparıcı mütəxəssisləri tərəfindən də diqqətlə izlənilir.
Qaynar xətt:
(055) 224 12 12
