"Qəbələ" Futbol Akademiyası şəraiti, futbolçu yetişdirməsi, məşqçiləri və akademiya heyəti olaraq digərlərindən hər zaman fərqlənib".
Bunu Oxu.Az-a açıqlamasında hazırda "Neftçi"də çıxış edən "Qəbələ" Futbol Akademiyasının yetirməsi Elvin Camalov deyib.
"Qəbələ" Futbol Akademiyasının fəaliyyətini dayandırması çox üzücü məsələdir. Çünki "Qəbələ" Futbol Akademiyası şəraiti, futbolçu yetişdirməsi, məşqçiləri və akademiya heyəti olaraq digərlərindən hər zaman fərqlənib. Mən özüm də bu akademiyanın yetirməsiyəm. Futbolun bütün sirlərini burada öyrənmişəm. Futbol oynamağa Qaxda başlasam da, peşəkar futbolçu karyeram burada olub. Bu formada akademiyanın fəaliyyətini dayandırması üzücü xəbər oldu. Ümid edirəm ki, akademiyanın fəaliyyəti tezliklə bərpa olunar. Çox futbolçuya ümid işığı olan akademiya artıq olmayacaq.
Mənimlə yanaşı bu akademiyanın yetirməsi olan futbolçuların hər biri hazırda məyusdur. Ümid edirik ki, yenidən fəaliyyəti bərpa olunacaq. "Qəbələ" Futbol Akademiyası Azərbaycan futbolu üçün çox faydalı və vacibdir".
Qeyd edək ki, Elvin Camalov 2012-2019 illərində "Qəbələ" klubunda çıxış edib. O bu müddət ərzində bir dəfə Azərbaycan Kubokunun qalibi olub (2018/19 mövsümü).
Anar Həsənov
