“Ən-Nəsr” daha bir ulduzun transferinə yaxındır - FOTO

Səudiyyə Ərəbistanı “Ən-Nəsr”i daha bir ulduz futbolçunu transfer etməyə hazırlaşır.

Məşhur insayder Fabritsio Romanonun yaydığı məlumata görə, klub Portuqaliya “Portu”sundan Otavionun transferini bitirib. Tərəflər bütün məsələlərdə ortaq məxrəcə gəliblər. Oyunçu tibbi müayinədən keçdikdən sonra müqaviləyə imza atacaq.

Qeyd edək ki, Kriştianu Ronaldunun da formasını geyindiyi “Ən-Nəsr” bu yay Sadio Mane, Seko Fofana, Marselo Brozoviç, Aleks Telleş kimi futbolçuları transfer edib.

Xatırladaq ki, Otavio 2014-cü ildən “Portu”da çıxış edir. “Transfermarkt” portalına görə, 28 yaşlı cinah oyunçusunun dəyəri 35 milyon avrodur.