FIFA 2026-cı il dünya çempionatının püşkatması ərəfəsində son səpələnmiş səbətləri təqdim edib.
Oxu.Az bildirir ki, bu barədə FIFA-nın Mətbuat Xidməti məlumat yayıb.
Qeyd edilir ki, dekabrın 5-də 2026-cı il dünya çempionatının qrup mərhələsinin püşkatması keçiriləcək.
Dünya çempionatına ev sahibliyi edəcək ABŞ, Kanada və Meksikanın yığma komandaları avtomatik olaraq birinci səbətdə yer alıblar. Buraya, həmçinin İngiltərə, Argentina, Belçika, Braziliya, Almaniya, Niderland, Portuqaliya və Fransa daxildirlər.
İkinci səbətdə Avstraliya, Avstriya, İran, Kolumbiya, Mərakeş, Seneqal, Uruqvay, Xorvatiya, İsveçrə, Ekvador, Cənubi Koreya, Yaponiya milliləri olacaqlar.
Üçüncü səbətdə Əlcəzair, Misir, Qətər, Kot-d'İvuar, Norveç, Panama, Paraqvay, Səudiyyə Ərəbistanı, Tunis, Özbəkistan, Şotlandiya, Cənubi Afrika Respublikası yığmaları yer alıblar.
Dördüncü səbətdə qitələrarası pley-off matçlarının və UEFA-nın pley-off oyunlarının qalibləri qərarlaşacaqlar. Buraya habelə Haiti, Qana, İordaniya,. Kabo-Verde, Kürasao və Yeni Zelandiya millilər daxil olublar.
Qeyd edək ki, 48 yığmanın mübarizə aparacağı dünya çempionatında millilər 12 qrupa bölünəcəklər.
