Futbol üzrə milli komandamız FİFA reytinqində irəliləyib

FIFA futbol üzrə milli komandaların reytinq siyahısını yeniləyib.

Oxu.Az xəbərə verir ki, Azərbaycan millisi əvvəlki il ilə müqayisədə bir pillə irəliləyib.

Ötən reytinqdə 1177,83 xalla 112-ci olan yığma 111-ci sıraya yüksəlib. Buna milli komandanın Macarıstanda keçirdiyi yoldaşlıq oyununda Qazaxıstana 3:2 hesabı ilə qalib gəlməsi səbəb olub.

Fernandu Santuşun başçılıq etdiyi yığmanın aktivində 1179,88 xal var.

Qeyd edək ki, reytinq cədvəlinin ilk 3 pilləsində heç bir dəyişiklik baş verməyib. Siyahıya son dünya çempionu Argentina (1860,14) başçılıq edir. Fransa (1837,47) ikinci, Belçika (1797,98) üçüncüdür.