İtaliya A Seriyasında beşinci yeri tutaraq Çempionlar Liqasından kənarda qalan "Roma"nın baş məşqçisi Klaudio Ranyeri emosiyalarını bölüşüb.
Oxu.Az xəbər verir ki, klubun mətbuat xidməti Ranyerinin oyunsonrası mətbuat konfransındakı fikirlərini belə təqdim edib:
""Milan"la matçın ikinci hissəsindəki müsbət məqamlardan ilhamlanaraq oyunu əla keçirdik. Əlimizdən gələni etdik, amma Çempionlar Liqasına düşə bilmədik. "Yuventus"u təbrik edirəm. Azarkeşlərimizə çox yazığım gəlir".
Qeyd edək ki, paytaxt klubu 38-ci turda "Torino"ya 2:0 hesabı ilə qalib gələrək xallarını 69-a çatdırsa da, dördüncü yeri tutub ÇL-ə vəsiqə qazanan "Yuventus"dan cəmi bir xal geri qalıb. "Qurdlar" Avropa Liqasında yarışacaq.
