İtaliyanın "Milan" klubu Rafael Leanı transfer etmək istəyən İspaniya klubundan 175 milyon avro tələb edib.
Oxu.Az Goal.com-a istinadla xəbər verir ki, "qırmızı-qaralar" 25 yaşlı hücumçusu üçün "Barselona" klubundan 175 milyon avro istəyib.
Kataloniya klubu isə bu məbləği ödəmək niyyətində deyil. Rafael Lean isə "Barselona"da çıxış etmək istədiyini "Milan" rəsmilərinə bildirib və transfer məbləğinin azaldılmasını tələb edib.
Qeyd edək ki, Rafael Lean ötən mövsüm İtaliya klubunun heyətində meydana çıxdığı 47 oyunda 15 qol və 14 məhsuldar ötürmə müəllifi olub. "Transfermarkt" portalı futbolçunu 90 milyon avro dəyərində qiymətləndirir.
