“Neftçi” PFK baxışa yeni futbolçu dəvət edib.
Oxu.Az xəbər verir ki, bu, qvineyalı Yamussa Kamaradır.
19 yaşlı Kamara hücumameyilli yarımmüdafiəçidir. Vətənində “Sent Mari” akademiyasında (2012-2016), eləcə də “Elefant de Kolea” (2016/17), “Satellit” (2017/18) və “Kalum Star” (2018/19) klublarında çıxış etmiş futbolçu bu ölkənin U-16, U-20 və U-23 milli komandasının formasını geyinib.
Qeyd edək ki, məşqçilər korpusu bu gün məşqlərə qoşulan Yamussa Kamara haqda müsbət qərar verərsə, onunla müqavilə bağlanacaq.
