"Paris-2024" Yay Olimpiya Oyunlarında terror aktları törətməyə hazırlaşan bir neçə nəfər saxlanılıb.
Məlumata görə, bunu Fransanın daxili işlər naziri Jerald Darmanen açıqlayıb.
O bildirib ki, iki fərqli ərazidə bir neçə nəfər saxlanılıb.
Onlar Parisdə keçiriləcək Olimpiada zamanı terror aktları törətməyə hazırlaşırmışlar:
"Seçki kampaniyası apardığımızdan son günlər bu barədə danışmamışıq. Amma terror aktları hazırlayan insanları saxlamışıq. Böyük tədbirlərin təhlükəsizliyini təmin etməyə hazırlaşırıq. Terror aktı təkcə Olimpiya Oyunları zamanı deyil, istənilən vaxt baş verə bilər. Ona görə də biz ayıq-sayığıq".
Qeyd edək ki, "Paris-2024" iyulun 26-dan avqustun 11-dək keçiriləcək.
Mənbə: Lequipe.fr
Rəylər