Paulo Dibalanın meneceri "Qalatasaray"la danışıqlar üçün İstanbula gəlib

Argentinalı ulduz futbolçu Paulo Dibalanın meneceri "Qalatasaray"la razılıq əldə etmək üçün İstanbula gəlib.

Oxu.Az "SporX"ə istinadən xəbər verir ki, futbolçunun meneceri Karlos Novel "Qalatasaray" klubunun rəsmiləri ilə görüşərək 12 milyon avro tələb edib.

Paulo Dibala Viktor Osimhen və Mauro İkardinin "Qalatasaray"da çıxış etməsindən ilhamlanaraq "sarı-qırmızılar"a transfer olmaq istədiyini bildirib.

Qeyd edək ki, Paulo Dibala bu mövsüm "Roma" forması ilə çıxdığı 18 oyunda iki qol, bir məhsuldar ötürmə ilə yadda qalıb.