"Qalatasaray" Konya səfərindən qələbə ilə qayıtdı

Türkiyə Super Liqasının 2-ci turunda "Tümosan Konyaspor" və "Qalatasaray" üz-üzə gəliblər.

Oxu.Az xəbər verir ki, Medaş Konya Böyükşəhər Stadionunda keçirilən görüşdə sarı-qırmızılılar 1-2 hesabı ilə qalib gəliblər.

Matçın 41-ci dəqiqəsində Kerem Aktürkoğlu və 59-cu dəqiqəsində Barış Alper Yılmazın vurduğu qollar "Qalatasaray"a qələbə qazandırıb. "Tümosan Konyaspor"un yeganə qolunu 45-ci dəqiqədə Oğulcan Ülgün vurub. Ötən mövsüm Türkiyə Kubokunu qazanan "Qalatasaray" bu qələbə ilə xal hesabını 6-ya yüksəldib. "Tümosan Konyaspor"un isə 3 xalı var.