Taekvondoçu Radik İsayev Azərbaycan üçün Olimpiadaya 29-cu lisenziyanı qazanıb.
Oxu.Az xəbər verir ki, dünya reytinqində 80 kq çəki kateqoriyasında dünya və Avropa Çempionu 3-cü yeri tutur, bu isə ona Rio-de-Janeyro Oyunlarına sakit hazırlaşmaq imkanı verir. Qeyd edək ki, reytinq üzrə Olimpiadaya lisenziyanı altı ən yaxşı taekvondoçu alacaq.
Daha öncə Olimpiadaya lisenziya alan azərbaycanlı idmançılar:
Oleq Stepko (idman gimnastikası), Marina Durunda (bədii gimnastika), Nazim Babayev (yüngül atletika, üçqat tullanma), Hayle İbrahimov (yüngül atletika, 5000m), Anna Skidan (yüngül atletika, çəkicatma), İnna Osipenko-Radomskaya (avarçəkmə, baydarka, 500 və 200 m), Valentin Demyanenko (avarçəkmə kanoe, 200 m), Aleksandr Aleksandrov – Boris Yotov dueti (akademik avarçəkmə 200 m), Yuri Meqliç (avarçəkmə kanoe-slalom), Elvin Məmişzadə (boks 52 kq), Albert Səlimov (boks 60 kq), Pərviz Bağırov (biks 69 kq), Elvin Mürsəliyev (yunan-roma güləşi, 75 kq), Sabah Şəriəti (yunan-roma güləşi, 130 kq), Rövşən Bayramov (yunan-roma güləşi, 59 kq), Saman Təhmasib (yunan-roma güləşi, 85 kq), Mariya Stadnik (qadın güləşi, 48 kq), Anjela Doroqan (qadın güləşi 53 kq), Yuliya Ratkeviç (qadın güləşi, 58 kq), Toğrul Əsgərov (sərbəst güləş, 65 kq), Məhəmmədhacı Hatiyev (sərbəst güləş, 86 kq), Hetaq Qazumov (sərbəst güləş, 97 kq) və Cəlaləddin Məhəmmədov (sərbəst güləş 125 kq).
Bununla yanaşı, Azərbaycan ağır atletika üzrə 4 lisenziya qazanıb. Olimpiadaya yola düşəcək idmançıların adları bir qədər sonra tam olaraq açıqlanacaq.
F.H.
www.oxu.az
