"UEFA Konfrans Liqasına düşmək üçün Misli Premyer Liqasında mübarizəmizi davam etdirəcəyik".
Oxu.Az xəbər verir ki, bunu Azərbaycan Kubokunun finalından sonra "Zirə" klubunun baş məşqçisi Rəşad Sadıqov deyib.
O bildirib ki, turnir cədvəlində dördüncü sıraya yüksəlmək üçün komanda olaraq əllərindən gələni edəcəklər:
"Əsas rəqibimiz "Neftçi" bizdən 3 xal öndədir. Çempionatın bitməsinə 2 tur qalıb. İnanırıq ki, sona qədər döyüşüb, bir üst pilləyə qalxa biləcəyik".
Qeyd edək ki, matç "Sabah" klubunun "Zirə" üzərində 2:1 hesablı qələbəsi ilə yekunlaşıb.
Qaynar xətt:
(055) 224 12 12
