Braziliya millisinin sabiq futbolçuları Ronaldo və Roberto Karlos Braziliyanın üçüncü divizionunda çıxış edən "İnternasional Limeyra" futbol klubunun satın alınması ilə bağlı sövdələşmədə iştirak edirlər.
Oxu.Az xəbər verir ki, bu barədə "Marca" nəşri məlumat yayıb.
Roberto Karlos bildirib ki, klubun alınması prosesi bir neçə tərəfdaşın iştirakı ilə həyata keçirilir.
"Ronaldo və mən hazırda Enriko və digər iki tərəfdaşımızla birlikdə "İnternasional Limeyra"nı alırıq. Məqsədimiz regional klubları daha yaxından tanımaq, onlara sponsorların cəlb edilməsində kömək göstərmək və bölgələrdə futbolu bizim dövrümüzdə olduğu səviyyəyə qaytarmağa dəstək verməkdir", - deyə o vurğulayıb.
Qaynar xətt:
(055) 224 12 12
