"Real Madrid"in sabiq hücumçusu Kriştianu Ronaldu Çempionlar Liqasının bütün tarixi ərzində Avropanın bu başlıca turnirinin matçlarında meydanda keçirdiyi dəqiqələrin sayına görə birinci yeri tutub.
Oxu.Az "Transfermarkt"a istinadən xəbər verir ki, portuqaliyalı futbolçunun hesabında 183 oyunda 15 758 dəqiqə var.
İkinci yerdə "Barselona"nın keçmiş hücumçusu Lionel Messi qərarlaşıb. Onun aktivində 13 577 dəqiqə var. Argentinalı Çempionlar Liqasında 163 matç keçirib. Bildirilir ki, bu reytinqdə qapıçıların oyun vaxtı nəzərə alınmayıb.
Çempionlar Liqası tarixində meydanda keçirdikləri dəqiqələrin sayına görə ilk 5 oyunçunun siyahısı (noyabr, 2025):
1. Kriştianu Ronaldu - 183 matç, 15 758 dəqiqə;
2. Lionel Messi - 163 matç, 13 577 dəqiqə;
3. Serxio Ramos - 142 matç, 12 449 dəqiqə;
4. Raul Qonsales - 142 matç, 11 989 dəqiqə;
5. Toni Kroos - 151 matç, 11 635 dəqiqə.
