İngiltərənin “Everton” klubunun hücumçusu Ueyn Runi komandaya qayıdışını möhtəşəm qolla qeyd edib.
Oxu.Az-ın məlumatına görə, hücumçu Keniyanın “Qor Maxia” klubuna qarşı yoldaşlıq oyununun 35-ci dəqiqəsində fərqlənib.
Runi 30 metr məsafədən topu qapıya göndərib. Qarşılaşma “Everton”un 2:1 hesablı qələbəsi ilə yekunlaşıb.
Xatırladaq ki, Ueyn Runi iyulun 9-da “Mançester Yunayted”dən “Everton”a transfer olunub. Liverpul komandasının heyətində o, 2002-ci ildə Premyer-Liqada ilk matçına çıxmışdı. 2004-cü ildə Runi 20 milyon funt sterlinqə “Mançester Yunayeted” klubuna transfer edilmişdi.
S.B.
www.oxu.az
