"Samsunspor" "Borussiya Dortmund"un futbolçusunu transfer edəcək

Türkiyəni avrokuboklarda təmsil edəcək "Samsunspor" səs-küylü transferə hazırlaşır.

Oxu.Az "SporX"ə istinadən xəbər verir ki, Qara dəniz təmsilçisi "Borussiya Dortmund" və Almaniya millisinin futbolçusu Yulian Brandtı heyətinə qatmağı planlaşdırır.

Hazırda tərəflər arasında danışıqlar davam etdirilir. Alman futbolçu "Samsunspor"a ilkin razılıq verib.

Son anda hansısa problem çıxmasa, Yulian Türkiyə klubuna keçəcək. Qeyd edək ki, yarımmüdafiəçi "Borussiya Dortmund"dan əvvəl "Bayer Leverkuzen"də çıxış edib.