Azərbaycanın mobil cihaz bazarında "Samsung"un payı azalmaqda davam edir

Bu ilin yanvar ayında Azərbaycanın mobil cihazlar bazarında "Samsung"un payı 29.38% təşkil edib.

Oxu.Az "Report"a istinadən xəbər verir ki, bu, əvvəlki aya nisbətən 1.4 faiz bəndi azdır, bir il əvvəlki göstərici ilə müqayisədə 2.27 faiz bəndi çoxdur. Beləliklə şirkətin bazar payı ardıcıl olaraq ikinci aydır azalır.

İkinci pillədəki "Xiaomi"nin bazar payı aylıq 1.33 faiz bəndi azalaraq və illik müqayisədə 3.73 faiz bəndi artaraq 24.41% olub.

Növbəti sıradakı "Apple"ın bazar payı yanvarda aylıq 0.72 faiz bəndi, illik müqayisədə isə 10.97 faiz bəndi artaraq 18.86 % təşkil edib.

Dördüncü pillədə qərarlaşan adları açıqlanmayan brendlərin payı aylıq 2.27 faiz bəndi artaraq, illik müqayisədə 10.97 faiz bəndi azalaraq 16.09 % olub.

İlk beşliyi 5.04% bazar payı ilə "Honor" qapayır. Onun bazar payı əvvəlki aya nisbətən 0.19 faiz bəndi, bir il əvvəlki göstərici ilə müqayisədə isə 3.45 faiz bəndi artıb.