2025-ci ilin yanvar-noyabr aylarında Azərbaycanın qeyri-neft sektoru üzrə ixracı 2024-cü ilin eyni dövrü ilə müqayisədə 7.3% artaraq 3 milyard 317 milyon ABŞ dolları təşkil edib.
Oxu.Az İqtisadi İslahatların Təhlili və Kommunikasiya Mərkəzinə istinadən xəbər verir ki, yeyinti məhsulları üzrə ixrac 19.4% artaraq 1 milyard 100 milyon ABŞ dollarına bərabər olub.
Bu dövrdə ixrac olunan məhsullar arasında şəkər 19.6 milyon ABŞ dolları (52.4%), meyvə-tərəvəz 179.6 milyon ABŞ dolları (28.6%), alüminium və onlardan hazırlanan məmulatlar 30.6 milyon ABŞ dolları (16.8%), kimya sənayesi məhsulları 36.9 milyon ABŞ dolları (13.9%), pambıq iplik 3.6 milyon ABŞ dolları (13.3%), çay 177.6 min ABŞ dolları (3%), bitki və heyvan mənşəli piylər və yağlar isə 500.2 min ABŞ dolları (2%) artım göstərib.
Aqrar məhsullar üzrə ixrac 27.1% artaraq 892.1 milyon ABŞ dolları, aqrar-sənaye məhsulları üzrə ixrac isə 0.3% artaraq 288.2 milyon ABŞ dolları olub. Ümumilikdə aqrar və aqrar-sənaye məhsullarının birgə ixracı 19.4% artaraq 1.18 milyard ABŞ dolları təşkil edib.
Qeyri-neft sektoruna aid ixrac olunan mallar arasında qızıl 297.4 milyon ABŞ dolları ilə birinci, pomidor (tomat) 175.4 milyon ABŞ dolları ilə ikinci, karbamid 163.4 milyon ABŞ dolları ilə üçüncü yerdə qərarlaşıb.
Noyabr ayında ixrac edilmiş qeyri-neft məhsullarında xırnik 40.9 milyon ABŞ dolları ilə birinci, meşə fındığı 26.2 milyon ABŞ dolları ilə ikinci, emal olunmamış alüminium isə 23 milyon ABŞ dolları ilə üçüncü olub.
Elmidar Əliyev
