“Azəri Ekspress” şirkəti “FedEx Express”in Azərbaycanda yeni xidmət təminatçısı olub.
Oxu.Az-a daxil olan məlumata görə, şirkətlər arasında uzun müddətdir davam edən müzakirələrin nəticəsi olaraq razılaşma əldə edilib.
“Azəri Ekspress” 2018-ci ilin sentyabr ayının 1-dən “FedEx Express”in xidmət təminatçısı olub.
Məlumatı dəqiqləşdirmək məqsədilə müraciət etdiyimiz “Azəri Ekspress” şirkətinin direktoru Şaiq Qəribzadə belə bir qərarın mövcudluğunu təsdiqləyib.
S.Qəribzadənin sözlərinə görə, “FedEx Express”in ölkədəki yeganə xidmət təminatçısı kimi “Azəri Ekspress” şirkətini təyin edilməsi mövcud əməliyyatların və gələcək bazar tələblərinin qiymətləndirilməsinə əsaslanaraq seçilib.
Xidmətlərə sentyabrın 1-dən başlanıb.
Qeyd edək ki, “Azəri Ekspress” şirkəti 1997-ci ildən həm də TNT şirkətinin nümayəndəsidir.
