"Ölkəmiz neft və qaz ehtiyatlarına malik olsa da, hələ hasilata başlamayıb. Azərbaycan bu sahədə böyük təcrübəyə malikdir. Buna görə də Azərbaycanla əməkdaşlıq etmək üçün yeni strategiya hazırlayırıq".
Oxu.Az xəbər verir ki, bu fikirləri jurnalistlərə açıqlamasında Qvineya-Bisau Respublikasının ətraf mühit, biomüxtəliflik və iqlim dəyişikliyi üzrə fəaliyyətlər naziri Viriatu Luis Suares Kassama deyib.
O əlavə edib ki, ölkəsi, həmçinin bərpaolunan enerji potensialına da sahibdir və bu istiqamətdə də addımlar atmağa hazırdır:
"Beynəlxalq əməkdaşlıq vacibdir. Bizim planımız beynəlxalq çərçivəyə əsaslanır. Birləşmiş Millətlər Təşkilatı, Avropa İttifaqı, ECOWAS və digər tərəfdaşlarla birlikdə işləyəcəyik ki, ölkəmizin enerji təhlükəsizliyinə nail olaq".
Məhərrəm Əliyev
