Rusiyanın Kursk vilayətində sənədləri yoxlamaq bəhanəsi ilə yaşayış evinin qapısını döyən hərbçi iki uşaq anasını güllələyərək qətlə yetirib, həyat yoldaşını ağır yaralayıb.
Oxu.Az bu barədə Rusiya KİV-nə istinadən xəbər verib.
Qeyd olunur ki, hadisə vaxtı evdə ailənin 10 və altı yaşlı iki övladı olub. Lakin hərbçi uşaqlara atəş açmayıb.
Artıq hadisəni törədən şəxs saxlanılıb. İlkin məlumata görə, qətli törədən şəxs narkotikin təsiri altında olub.
İnsidentin digər təfərrüatları hələlik məlum deyil.
